Ola 👋
son Óscar Otero,
deseñador dixital

Superpoderes

• Saber escoitar.
• Solucionar problemas de deseño complexos.
• Comunicarme con programadores, entendelos e axudalos a construír a mellor interface posible.
• Combinar tipografías.
• Poder codificar os meus propios deseños.
• Facer amigos e tomar cañas fóra do horario laboral (dentro do horario en teoría non se pode).

Fitos

• Montar unha empresa con outros 4 socios xusto antes de comezar a crise, chegar a ter 6 empregados e aguantar 8 anos.
• Ser presidente da Asociación Galega de Deseño.
• Gañar un premio Mestre Mateo, e outro no MIPTV de Cannes sen facer cine, senon deseño.
• Conseguir máis de 1000 stars nun repositorio de Github.
• Ir a Estambul a dar un taller de open video en inglés e conseguir que os alumnos me entenderan.
• Compartir cartel con Javier Cañada, Álvaro Valiño, Raquel Pelta, Pepe Barro e moitos outros grandes profesionais falando de web e interactividade.
• Estudar letras puras e acabar nun grupo de traballo do PHP-FIG discutindo con enxeñeiros sobre un novo estándar de PHP Http Middlewares.
• Ser membro dun xurado onde se valoraron traballos presentados por premios nacionais de deseño.

Fracasos

• Crear un procesador de CSS e non conseguir que fose popular.
• Lanzar un producto eu só, facendo todo (concepto, deseño, desenvolvemento etc) e que ninguén usou.
• Montar unha empresa entre varios socios e non conseguir facer o que queriamos facer.
• Non conseguir falar inglés de maneira fluída (aínda).
• Despois de varios intentos, non ser capaz de facer un bolo de pan de masa nai caseiro que se poida comer.

O meu traballo ideal

• Deseño centrado no cidadán, algo como o GDS.
• Calquera empresa ou ONG que lle dea especial importancia ao deseño inclusivo.
• Algo relacionado coa música.